25.07.2019
25.07.2019

Daşoguz welaýat häkimligi mekdep we çagalar baglaryny gurmak boýunça tender yglan edýär

Daşoguz welaýat häkimligi “Türkmenistanyň Prezidentiniň obalaryň, şäherçeleriň, etraplardaky şäherleriň we etrap merkezleriniň ilatynyň ýaşaýyş-durmuş şertlerini özgertmek boýunça 2020-nji ýyla çenli döwür üçin rejelenen görnüşdäki Milli maksatnamasyna” laýyklykda, Daşoguz welaýatynyň Daşoguz şäherinde 240 orunlyk çagalar bagynyň, S.A.Nyýazow adyndaky etrapda 160 orunlyk çagalar bagynyň, Gubadag etrabynda 420 orunlyk mekdebiň we 160 orunlyk çagalar bagynyň gurluşyk işlerini ýerine ýetirmek üçin potratçylary saýlap almak boýunça BÄSLEŞIK yglan edýär.

Bäsleşige gatnaşmak üçin Türkmenistanda resmi tertipde bellige alnan ýerli edara-kärhanalar çagyrylýar.

Bäsleşige gatnaşmak isleýänlerden edilýän talaplar:

  • gatnaşyjynyň doly adyny, hukuk derejesini, Türkmenistanda resmi tertipde bellige alnandygy barada maglumatlary görkezmek bilen, bäsleşige gatnaşmak barada ýazmaça arza bermek;
  • edara-kärhanalaryň maddy-tehniki binýady barada maglumat;
  • hususy kärhanalara Türkmenistanyň Senagatçylar we telekeçiler birleşmesinden kepilnama;
  • häzirki wagta çenli ýerine ýetiren gurluşyk-abatlaýyş işleri barada maglumat.

Bäsleşik teklipleri 2019-njy ýylyň 25-nji iýulyna, sagat 9:00-dan 18:30-a çenli kabul edilýär.

Habarlaşmak üçin telefonlar: +993 322 90302, +993 322 90314, faks: +993 322 93085.

Türkmenistan, Daşoguz welaýaty
Bulary hem okaň
2022