CNPC-niň Türkmenistandaky şahamçasy gözegçilik hyzmatlaryny bermek boýunça tender yglan edýär

CNPC-niň Türkmenistandaky şahamçasy deslapky kwalifikasiýa saýlawyny geçirmek boýunça skwažinalarda buraw, abatlaýyş, synag we tamamlaýyş işlerine gözegçilik hyzmatlaryny bermek üçin

№. CIT-20070-SR

tender yglan edýär.

Tender taslamasy aşakdaky hyzmatlary öz içine alýar:

1. Buraw desgalaryndaky amallaryň howpsuzlygyna we netijeliligine gözegçilik etmeli, amatly öndürijiligi üpjün etmeli, ýitgileri we çykdajylary azaltmaly.

2. CNPC-niň Türkmenistandaky şahamçasynyň ähli şertnamalaýyn territoriýasyndaky skwažinalarda buraw, abatlaýyş, synag we tamamlaýyş işlerine gözegçilik etmeli we dolandyrmaly.

3. Skwažinalary synag we abatlaýyş işlerini ýerine ýetirýän brigadanyň iş çalşygyny sazlamaly we gözegçilik etmeli. Ähli gurallary, enjamlary, suw, iýmit, goraglylygy we beýleki materiallary barlamak, ýazgylary geçirmek, gerekli gündelikleri doldurmak we beýleki zerur işleri öz içine alýar.

4. Ýerine ýetirilen işler boýunça gündelik hasabat we skwažinalarda ýerine ýetirilýän buraw, abatlaýyş we synag işleri boýunça umumy hasabat taýýarlamaly. Skwažinalarda ýerine ýetirilen işleri jikme-jik görkezmeli.

5. Kiçi işgärleri taýýarlamak, daşky gurşawy, enjamlaryň we beýleki gurallaryň tehniki ýagdaýyny gözegçilikde saklamak ýaly gözegçiniň beýleki wezipelerini hem ýerine ýetirmeli.

6. Daşky gurşawy goramak işlerine gözegçilik etmeli we dolandyrmaly, daşky gurşawyň hapalanmagynyň öňüni almaly we kesgitlenen düzgünlere laýyklykda galyndylaryň zyňylmazlygyna gözegçilik etmeli.

Bu tendere gyzyklanma bildirýän islendik kompaniýa, aşakdaky maglumatlary we resminamalary bermek bilen tendere gatnaşmak üçin ýüz tutup biler:

• tendere gatnaşmak üçin arza;
• kompaniýanyň doly ady, hukuk ýagdaýy, bellige alnan ýurdy, rekwizitleri we kompaniýanyň hasaba alyş resminamasy görkezilen gysgaça maglumat;
• soňky 3 ýylyň dowamynda meňzeş hyzmatlary bermek boýunça iş tejribesi;
• ýerli kompaniýalar Türkmenistanyň Senagatçylar we telekeçiler birleşmesine girýändigi baradaky bellige alyş şahadatnamasynyň nusgasyny tabşyrmaly;
• soňky 3 ýylyň dowamynda kompaniýanyň maliýe ýagdaýyny barada resminama.

Arzalar bildiriş çap edilen gününden başlap 10 iş gününiň dowamynda kabul edilýär.

Jogapkär hünärmen: Narine Simonýan.

Elektron salgysy: narine.simonyan@cnpcag.com;

Habarlaşmak üçin telefonlar: +99312 44-54-34, faks: +993 12 44-50-44.