Gurluşyk we binagärlik ministrligi Altyn kölüň kenaryndaky desgalary gurmak boýunça tender yglan edýär

Türkmenistanyň Gurluşyk we binagärlik ministrligi Aşgabat şäheriniň demirgazygynda ýerleşýän Altyn kölüň kenarynda dynç alyş zolagynda gurulmaly desgalaryň taslamasyny düzmek we gurmak boýunça tender yglan edýär.

1. Türkmenistanyň Senagatçylar we telekeçiler birleşmesiniň buýurmagynda:

• 10 sany döwrebap kottejler toplumy;
• söwda we hyzmat ediş merkezi.

2. Aşgabat şäher häkimliginiň buýurmagynda:

• baş dolandyryş binasy;
• 2 sany seýilgäh;
• medeni çäreler geçirilýän ýer;
• 2 sany 500 orunlyk awtoduralga we seýilgäh.

3. Türkmenistanyň Içeri işler ministrliginiň buýurmagynda:

• polisiýa we ýangyn howpsuzlyk bölüminiň edara binasy.

4. Türkmenistanyň Saglygy goraýyş we derman senagaty ministrliginiň buýurmagynda:

• saglyk öýi.

Gyzyklanma bildirýän taraplaryň haýyşnamalary we teklipleri Türkmenistanyň Gurluşyk we binagärlik ministrliginiň Bazary öwreniş we daşary ykdysady gatnaşyklar müdirliginde bellenilen tertipde kabul edilýär hem-de resmileşdirilýär.

Haýyşnamalar bildiriş çap edilen gününden başlap, 2021-nji ýylyň 1-nji apreline çenli kabul edilýär.

Habarlaşmak üçin telefonlar: 44-46-36, 44-46-64, 44-46-77.