Türkmenistanyň Senagatçylar we telekeçiler birleşmesiniň başlygy Nökerguly Atagulyýewiň ýolbaşçylygyndaky türkmen wekiliýeti Owganystanyň Hyrat şäherine saparynyň çäklerinde Owganystanyň senagat we söwda ministri Nuriddin Azizi bilen duşuşdy. Duşuşygyň jemleri boýunça 10 sany şertnama we 2 sany söwda ähtnamasyna gol çekildi.
“Tasnim” habarlar agentliginiň sişenbe güni habar bermegine görä, jemi bahasy 200 million ABŞ dollaryndan gowrak bolan ylalaşyklar gurluşyk toplumyna degişli bolup, armaturalaryň, boýaglaryň, mermer daşlarynyň we azyk harytlarynyň iberilmegini öz içine alýar.
Nuriddin Azizi bu duşuşygyň Owganystan bilen Türkmenistanyň arasynda söwda-ykdysady gatnaşyklary giňeltmek üçin oňyn şertleri döredendigini belledi.
Hyrat şäherine amala aşyrylan saparyň dowamynda türkmen wekiliýeti Hyrat welaýatynyň häkimi Nur Ahmad Islamjar bilen hem duşuşyk geçirdi.
