Mary welaýatynyň Türkmengala etrabynda gurulýan döwrebap ýaşaýyş jaýlary ipoteka almaga isleg bildirýän raýatlar üçin mümkinçilik

Türkmengala etrap häkimligi Türkmenistanyň Prezidentiniň 2019-njy ýylyň 24-nji maýyndaky “Mary welaýatynyň Wekilbazar, Sakarçäge we Türkmengala etraplarynda täze, döwrebap ýaşaýyş jaýlaryny gurmak hakynda” №1237 belgili Kararyny ýerine ýetirmek we Türkmenistanyň Prezidentiniň 2022-nji ýylyň 8-nji iýulyndaky №178 belgili Karary bilen tassyklanan “Ýurdumyzy 2022–2028-nji ýyllarda durmuş-ykdysady taýdan ösdürmegiň Maksatnamasynda” bellenen wezipeleri üstünlikli durmuşa geçirmek hem-de raýatlaryň ýaşaýyş jaýlaryna bolan isleglerini kanagatlandyrmak, ilatyň ýaşaýyş şertlerini has-da ýokarlandyrmak maksady bilen, Türkmengala etrabynyň Täze dünýä geňeşliginiň Kyrkişik obasynyň çäginde düýbi tutulan, gurluşyk işleri alnyp barylýan täze döwrebap ýaşaýyş jaýlarynyň Baş meýilnamasynda göz öňünde tutulan hemme amatlyklary bolan 1 gatly, 1 öýli, 3 otagly we 1 gatly, 1 öýli, 4 otagly uzak möhletli bank karzlarynyň hasabyna gurulýan (ipoteka) ýaşaýyş jaýlaryny almaga isleg bildirýän welaýatyň ähli raýatlaryny çagyrýar.

Isleg bildirýän raýatlar Türkmengala etrap häkimligine ýüz tutup bilerler.