Aziýa Ösüş Banky ýel ölçeg sütünlerini satyn almak we gurnamak boýunça bäsleşik yglan edýär

“Lahmeyer International (Suntrace) GmbH” kompaniýasy Aziýa Ösüş Bankynyň (AÖB) TA-10424 TKM belgili “Gaýtadan dikeldilýän energiýany ösdürmek üçin ýel energiýasynyň kuwwatyny bahalandyrmak” (58422-001) atly tehniki kömek taslamasynyň çäklerinde satyn alyş işlerini geçirmek boýunça Türkmenistanyň Döwlet energetika institutynyň (Döwlet energetika instituty) tehniki wekili hökmünde aşakdaky işleri ýerine ýetirmek we enjamlary üpjün etmek üçin gyzyklanma bildirýän kompaniýalary baha tekliplerini bermäge çagyrýar:

Türkmenistanda ýeliň häsiýetnamalaryny 12 aýyň dowamynda ölçemek boýunça işleriň geçirilmegini goşmak bilen, beýikligi 120 metr bolan iki sany ýel ölçeg sütüni bilen üpjün etmek, eltmek, gurnamak, işe girizmek, tehniki taýdan hyzmat etmek we sökmek.

Tender resminamalaryny almak

Gyzyklanma bildirýän kompaniýalar baha teklibini taýýarlamak üçin zerur bolan bäsleşik resminamalar toplumyny almak barada aşakdaky elektron poçta salgysyna ýüz tutup bilerler:

windprocurement.turkmenistan@lahmeyer.com

Gyzyklanma bildirişlerini ibermegiň soňky möhleti — 2026-njy ýylyň 9-njy noýabry.

Baha tekliplerini tabşyrmak

Tenderiň gatnaşyjylary gol çekilen baha tekliplerini PDF görnüşinde, aşakda görkezilen talaplara laýyklykda elektron poçta arkaly ibermelidirler.

Baha tekliplerini tabşyrmagyň soňky möhleti: 2026-njy ýylyň 11-nji dekabry, sagat 23:59 (Manila wagty, GMT+8).

Teklipleri ibermek üçin elektron poçta salgysy: windprocurement.turkmenistan@lahmeyer.com

Elektron hatyň mowzuk setirinde görkezilmeli maglumat: [Kompaniýanyň ady] | TA-10424 TKM | RFQ – Wind Measurement Masts and Measurement Campaign for Turkmenistan

Esasy talaplar

• Baha teklipleri iňlis dilinde taýýarlanylmalydyr.
• Bahalar ABŞ-nyň dollarynda (USD) görkezilmelidir.
• Tenderiň gatnaşyjylary AÖB-ä agza ýurtlaryň birinde bellige alnan bolmalydyr hem-de tender resminamalarynda görkezilen talaplara laýyk gelmelidir.
• Tenderiň şertleri boýunça düşündiriş almak baradaky soraglar ýazmaça görnüşde, windprocurement.turkmenistan@lahmeyer.com elektron poçta salgysyna iberilmelidir. Soraglara berlen jogaplar ýüz tutan taraplaryň atlary görkezilmezden, çakylyk alan ähli gatnaşyjylara iberiler.
• Baha teklibiniň hereket edýän möhletiniň dowamynda AÖB teklibi kabul edip alandan soň bahanyň üýtgedilmegine ýol berilmeýär. Bu düzgün inflýasiýa, çykdajylaryň ýokarlanmagy, walýuta hümmetleriniň üýtgemegi ýa-da beýleki bazar şertleri bilen bagly bahanyň üýtgemelerine hem degişlidir.

Teklipleriň seljerilmeginiň netijesinde üstünlikli gatnaşyja Türkmenistanyň Döwlet energetika instituty (Döwlet energetika instituty) tarapyndan Teklibiň kabul edilendigi hakynda hat (Letter of Acceptance) iberiler.

Tenderiň netijeleri barada bildirişi baha tekliplerini tabşyrmagyň soňky möhletinden soň 60 günüň dowamynda ibermek meýilleşdirilýär.