Awazada geçirilýän “Häzirki zaman jemgyýetinde zenanlaryň orny: durnukly ösüşiň bähbidine halkara hyzmatdaşlygy ösdürmek” atly halkara maslahatyna gatnaşyjylar Türkmenistanyň milli medeni mirasyna bagyşlanan ýöriteleşdirilen sergi bilen tanyşdylar. Bu barada Türkmenistanyň resmi metbugaty çarşenbe güni habar berdi.
Sergi türkmen medeni mirasynyň baýlygyny we milli özboluşlygyny şöhlelendiren halk döredijilik sungatynyň dürli ugurlaryny özünde jemledi. Sergide haly önümleri, çeperçilik eserleri, ýüpekden taýýarlanan dürli önümler, şeýle hem milli şaý-sepler görkezildi.
Myhmanlaryň ünsüni aýratynlykda türkmen haly sungatynyň seýrek nusgalary çekdi. Bu eserler türkmen halkynyň gadymy däpleriniň asyllylygyny görkezdi.
“Häzirki zaman jemgyýetinde zenanlaryň orny: durnukly ösüşiň bähbidine halkara hyzmatdaşlygy ösdürmek” atly halkara maslahaty dünýäniň abraýly guramalarynyň wekillerini we hünärmenleri birleşdirip, zenanlaryň mümkinçiliklerini giňeltmek we durnukly ösüşiň ählumumy gün tertibine degişli meseleleri ara alyp maslahatlaşmaga giň mümkinçilik döretdi.
_cleanup.jpeg)
_cleanup.jpeg)
_cleanup.jpeg)
_cleanup.jpeg)
