Gazagystanyň Prezidenti Kasym-Žomart Tokaýew çarşenbe güni iş sapary bilen Türkmenistana geldi. Bu barada THP habar berýär.
Türkmenbaşy şäheriniň halkara howa menzilinde Gazagystanyň Liderini Türkmenistanyň Ministrler Kabinetiniň Başlygynyň orunbasary, daşary işler ministri Raşid Meredow we beýleki resmi adamlar garşyladylar.
Mundan ozal Türkmenistanyň resmi habar beriş serişdeleri Kasym-Žomart Tokaýewiň saparynyň dowamynda Merkezi Aziýa döwletleriniň we Azerbaýjanyň döwlet Baştutanlarynyň sekizinji Konsultatiw duşuşygyna, Garaşsyz Döwletleriň Arkalaşygynyň döwlet Baştutanlarynyň Geňeşiniň mejlisine hem-de Hazar ekologiýa sammitine gatnaşjakdygyny habar beripdi.
Kasym-Žomart Tokaýew Türkmenistanda 8–9-njy oktýabrda iş saparynda bolar.
