Türkmenistan bilen Belgiýa Patyşalygynyň arasyndaky özara söwda dolanyşygy 2023-nji ýylyň ýanwar-fewral aýlarynda 6,96 million ýewrodan geçdi. Bu görkeziji 2022-nji ýylyň degişli döwri bilen deňeşdirilende 2,2 esse ýokarydyr (3,07 million ýewro). Bu barada ÝB-niň Statistika gullugyna (Ýewrostat) salgylanyp, Azerbaýjanyň “Trend” agentligi sişenbe güni habar berdi.
Şu ýylyň ilkinji iki aýynda Türkmenistanyň Belgiýadan importy 2022-nji ýylyň ýanwar-fewral aýlary bilen deňeşdirilende 58 göterim (2,93 million ýewro) artdy we 4,63 million ýewro ýetdi.
Hasabat döwründe Türkmenistanyň Belgiýa eksportynyň möçberi 2,33 million ýewro deň boldy. Bu görkeziji geçen ýylyň iki aýy bilen deňeşdirilende 15,8 esse ýokarydyr (146,070 ýewro)
Türkmenistanyň Belgiýa bilen söwda dolanyşygy 2022-nji ýylda 38,32 million ýewro barabar boldy. Bu bolsa 2021-nji ýylyň görkezijisinden 2,4 esse köpdir.
