“Awtomobil ulag hyzmaty” açyk görnüşli paýdarlar jemgyýeti Aşgabat — Awaza — Aşgabat ugurlary boýunça gündelik awtobus gatnawyny ýola goýar.
“Türkmenawtoulaglary” agentliginiň sişenbe güni habar bermegine görä, Aşgabat — Awaza — Aşgabat ugurlary boýunça awtobus gatnawynyň 1-nji iýundan başladylmagy meýilleşdirilýär.
Awtobus Aşgabatdan ir bilen sagat 06:00-da Çoganly ýaşaýyş toplumynyň çäginde ýerleşýän Halkara awtomenzilden ugraýar.
Awazadan Aşgabat şäherine gaýdýan awtobus bolsa 13:00-da Ýelkenli köçesiniň ugrunda ýerleşýän köp gatly awtoulag duralgasyndan ugraýar.
Habarda bellenilişi ýaly, bir taraplaýyn ýol nyrhy 75 manat möçberinde kesgitlenýär.
