“Turkish Airlines” awiakompaniýasy Aşgabat-Stambul-Aşgabat gatnawlary boýunça petekleriň bahalaryny täzeledi. Täze bahalar 2025-nji ýylyň aprel aýyna çenli hereket eder. Bu barada “Turkish Airlines” awiakompaniýasy çarşenbe güni habar berdi.
Täzelenen nyrhlara laýyklykda, Aşgabatdan Stambula we yzyna ekonom klasly petegiň bahasy 500 ABŞ dollaryndan, Stambuldan Aşgabada gidiş hem-de gaýdyş petegiň bahasy 720 dollardan başlanýar.
Aşgabatdan hem-de Stambuldan bir taraplaýyn uçuşyň bahasy 302 dollara barabardyr.
Biznes klasly gidiş we gaýdyş syýahatlaryna petegiň bahasy 1250 dollardan başlanýar.
Häzirki wagtda “Turkish Airlines” awiakompaniýasy Türkmenistan bilen Türkiýäniň arasynda hepdede 11 uçuşy amala aşyryp, ýolagçylar üçin amatly gatnawy üpjün edýär.
Awiakompaniýanyň Aşgabatdaky edarasy şu salgyda ýerleşýär: G.Kulyýew köçesi, 39-njy jaý, “Ussat” binasy.
