2024-nji ýylyň 16 – 18-nji dekabrynda Aşgabat şäherinde “Iran Agrofood” atly 16-njy ýöriteleşdirilen sergi we işewürlik maslahaty geçiriler. Bu barada Türkmenistanyň Söwda-senagat edarasy habar berýär.
Sergide oba hojalyk tehnikalarynyň, ekinleriň kämilleşdirilen tohumlarynyň, dökünleriň, himiki serişdeleriň hem-de azyk önümleri gaplamagyň tehnologiýalarynyň tanyşdyrylmagyna garaşylýar.
“Iran Agrofood” – bu oba hojalyk we azyk senagatyna bagyşlanyp geçirilýän halkara sergidir. Ol oba hojalyk toplumynyň gazananlaryny, gaýtadan işleýji we gaplaýjy tehnologiýalary, enjamlary hem-de himiki serişdeleri tanyşdyrýar. Sergi işewürlik gatnaşyklary berkitmek we tejribe alyşmak üçin amatly meýdança bolup hyzmat edýär.
Geçen ýylyň noýabr aýynda Aşgabat şäherinde Eýran Yslam Respublikasynyň “Iran Prože” atly ýöriteleşdirilen sergisi geçirilipdi.
