Çarşenbe güni Aşgabat şäherindäki Döwletliler köşgünde Täze ýyl baýramy guraldy. Dabaranyň çäklerinde çagalara Türkmenistanyň Prezidenti Serdar Berdimuhamedowyň we türkmen halkynyň Milli Lideri, Halk Maslahatynyň Başlygy Gurbanguly Berdimuhamedowyň adyndan sowgatlar gowşuryldy.
Baýramçylyk çäresi şatlyk-şowhunly ýagdaýda geçdi. Ajaýyp bezelen Täze ýyl arçasynyň ýanynda Täze ýyl mynasybetli guralýan dabara çagalar, Aýazbaba, Garpamyk hem-de Mejlisiň, Halk Maslahatynyň, ministrlikleriň we pudaklaýyn dolandyryş edaralarynyň, jemgyýetçilk guramalarynyň wekilleri ýygnandylar.
Çagalar özleriniň döredijilik başarnyklaryny görkezip, Türkmenistana, söýgüli baýram bagyşlap gowşgulary aýtdylar we joşgunly aýdymlary, tanslary ýerine ýetirdiler. Şüweleň däp öwrülen arçanyň daşyndan el tutuşyp aýlanmak çäresi bilen tamamlandy.
Dabaranyň ahyrynda çagalara sowgatlar, şeýle hem interaktiw öwrediji toplumlar sowgat berildi. Olar yzygiderli üns-aladalary üçin Türkmenistanyň Prezidenti Serdar Berdimuhamedowa we türkmen halkynyň Milli Lideri, Halk Maslahatynyň Başlygy Gurbanguly Berdimuhamedowa tüýs ýürekden hoşallyk bildirip, Täze ýyl mynasybetli ýakymly arzuwlaryny beýan etdiler.
Türkmenistan, Aşgabat ş., Atatürk köçesi 61
