TDHÇMB

Türkmenistan bilen Hindistan energetika we senagat hyzmatdaşlygyny giňeltmegi meýilleşdirýärler

BT
Türkmenistan bilen Hindistan energetika we senagat hyzmatdaşlygyny giňeltmegi meýilleşdirýärler
Türkmenistanyň Ministrler Kabinetiniň Başlygynyň orunbasary Nökerguly Atagulyýew bilen Hindistanyň Türkmenistandaky ilçisi Madhumila Hazarika Bhagat, 2025-nji ýylyň 26-njy ýanwary, Aşgabat, Türkmenistan (Surat: TSTB)

Türkmenistan bilen Hindistan energetika, senagat, ulag we ýokary tehnologiýalar ulgamlarynda hyzmatdaşlygy çuňlaşdyrmagy meýilleşdirýärler. Bu barada Türkmenistanyň Ministrler Kabinetiniň Başlygynyň orunbasary Nökerguly Atagulyýew Aşgabat şäherinde Hindistanyň Respublika güni mynasybetli geçirilen dabarada mälim etdi diýip, Senagatçylar we telekeçiler birleşmesi habar berýär.

N.Atagulyýew bu pudaklaryň iki ýurt üçin hem möhüm strategik ugurlardygyny belledi.

Ministrler Kabinetiniň Başlygynyň orunbasary Türkmenistanyň we Hindistanyň Türkmenistan-Owganystan-Pakistan-Hindistan (TOPH) gaz geçirijisi hem-de Merkezi Aziýany beýleki sebitler, şol sanda Ýakyn Gündogar we Günorta Aziýa bilen özara baglanyşdyrýan başlangyçlara işjeň gatnaşýandyklaryny nygtady.

Wise-premýeriň bellemegine görä, ikitaraplaýyn gatnaşyklar diňe bir ykdysady ulgamda däl, eýsem, bilim we saglygy goraýyş ýaly ugurlarda hem ösdürilýär.

Hindistanyň Türkmenistandaky ilçisi Madhumila Hazarika Bhagat öz nobatynda derman senagaty, maglumat tehnologiýalary we emeli aň ýaly ulgamlarda bilelikde işlemek üçin täze mümkinçilikleriň bardygyny belledi.

Türkmenistan bilen Hindistanyň arasynda diplomatik gatnaşyklar 1992-nji ýylyň 20-nji aprelinde ýola goýuldy.

Täzelikleriňizi ýollaň
Ugratmak
Fewral 18, 2025