Aşgabat şäherinde, Saud Arabystanynyň ilçihanasynyň binasynda Patyşa Salman adyndaky goldaw-hemaýat merkeziniň adyndan 25 tonna hurma gowşurmak dabarasy geçirildi. Bu barada Türkmenistanyň resmi metbugaty çarşenbe güni habar berdi.
Dabara Saud Arabystanynyň Türkmenistandaky ilçisiniň wezipeleri wagtlaýyn ynanylan wekili Nawaf Al-Raşid we Türkmenistanyň Müftüsiniň edarasynyň wekilleri gatnaşdylar. Türkmen tarapy sowgat üçin hoşallyk bildirip, onuň ýurtdaky ynanç-ygtykata eýerýänler üçin ähmiýetini belledi.
Adatça mukaddes Oraza aýynda agyz açylanda iýilýän nygmat bolan hurmalar ýurduň ähli ýerindäki metjitlere we dini edaralara paýlanylar. Oraza aýynyň öňüsyrasynda aýratyn ähmiýete eýe bolan sowgat dini däpleriň dowam etdirilmegine iterýär.
Bu waka hyzmatdaşlygy ykdysady, medeni we durmuş ulgamlaryny öz içine alýan iki ýurduň arasyndaky özara gatnaşyklaryň pugtalandyrylýandygynyň ýene-de bir aýdyň güwäsi boldy.
