2025-nji ýylda Türkmenistan hususy pudagyň JIÖ-däki paýyny 71,6 göterime çenli artdyrmak maksady bilen bu pudagy ösdürmäge gönükdirilen taslamalara karzlary berip, kiçi we orta telekeçiligi ösdürmegi dowam etdirer. Bu barada Türkmenistanyň resmi metbugaty habar berýär.
2024-nji ýylyň jemleri boýunça Ministrler Kabinetiniň giňişleýin mejlisinde Türkmenistanyň Prezidenti Serdar Berdimuhamedow milli ykdysadyýetiň durnukly ösüşiniň hususy telekeçiligiň işjeňleşdirilmegine baglydygyny nygtap, bu babatda degişli tabşyryklary berdi. Şeýle hem döwlet dahylly bolmadyk pudagy ösdürmek boýunça meseleleri degişli ýolbaşçylaryň üns merkezinde saklamalydygy barada tabşyryldy.
Türkmenistanyň Senagatçylar we telekeçiler birleşmesiniň agzalary daşary döwletlerden getirilýän harytlaryň önümçiliginiň artdyrylmagyna, eksportyň ösdürilmegine we elektron senagatynyň döredilmegine gönükdirilen döwlet maksatnamalarynyň durmuşa geçirilişinde möhüm orun eýeleýärler.
2024-nji ýylda oba hojalyk we azyk önümleriniň önümçiligi 110 göterim, senagat önümleriniň öndürilişi hem 104,1 göterim artdy. Banklar tarapyndan hususy pudaga, fiziki şahslara, kiçi we orta kärhanalara berlen karzlaryň möçberi hem geçen ýyldaky görkeziji bilen deňeşdirilende ýokarlandy.
