Daşary işler ministriniň orunbasary Ahmet Gurbanowyň ýolbaşçylygyndaky Türkmenistanyň wekiliýeti 11-nji aprelde Almaty şäherinde Garaşsyz Döwletleriň Arkalaşygyna (GDA) agza döwletleriň Daşary işler ministrleriniň geňeşiniň mejlisine gatnaşdy. Bu barada Türkmenistanyň DIM-i habar berýär.
Mejlise şeýle hem Azerbaýjanyň, Ermenistanyň, Belarusuň, Gazagystanyň, Gazagystanyň, Gyrgyzystanyň, Russiýanyň, Täjigistanyň we Özbegistanyň daşary syýasat edaralarynyň ýolbaşçylary hem-de Arkalaşygyň Ýerine ýetiriji komitetiniň wekilleri gatnaşdylar.
Taraplar syýasy-diplomatik ulgamda köptaraplaýyn hyzmatdaşlygyň giň ugurlardaky meselelerini, söwda-ykdysady gatnaşyklary ösdürmegi hem-de medeni-ynsanperwer hyzmatdaşlygy berkitmegi ara alyp maslahatlaşdylar.
Şeýle hem şol gün Almaty şäherinde “Merkezi Aziýa – Russiýa” görnüşindäki daşary işler ministrlerleriň duşuşygy geçirildi. Onda Arkalaşyga agza döwletleriň Baştutanlarynyň soňky sammitinde gazanylan ylalaşyklary durmuşa geçirmegiň ugurlary boýunça pikir alşyldy. Şeýle hem özara gyzyklanma bildirilýän ulgamlarda hyzmatdaşlygy mundan beýläk-de çuňlaşdyrmak boýunça çäreler ylalaşyldy.
