Türkmenistanyň Awstriýadaky ilçisi Hemra Amannazarow 2025-nji ýylyň 9-njy iýulynda Wenadaky BMG-niň ştab-kwartirasynda BMG-niň senagat taýdan ösüş guramasy (UNIDO) Baş direktorynyň orunbasary Fatu Haýdara bilen duşuşyk geçirdi. Bu barada çarşenbe güni Türkmenistanyň Awstriýadaky ilçihanasy habar berdi.
Duşuşygyň dowamynda taraplar 2025-nji ýylyň 5–8-nji awgusty aralygynda geçirilmegi meýilleşdirilýän Birleşen Milletler Guramasynyň Deňze çykalgasy bolmadyk ösüp barýan döwletler boýunça üçünji maslahatyna (LLDC3) görülýän taýýarlyk işleri bilen baglanyşykly meseleleri ara alyp maslahatlaşdylar.
Taraplar maslahatyň maksatlaryna ýetmekde üstünlikli ugrukdyrmalaryň üpjün edilmeginiň möhümdigini nygtap, deňze çykalgasy bolmadyk ýurtlaryň ösüş başlangyçlaryny goldamak boýunça alnyp barylýan tagallalaryň dowam etdirilýändigini bellediler.
Duşuşyk Türkmenistanyň LLDC3 forumynyň öňüsyrasynda halkara hyzmatdaşlaryna işjeň gatnaşmak hem-de hyzmatdaşlygy ösdürmek baradaky ygrarlylygyny ýene bir gezek tassyklady.
_(1)30624-495x4352.jpg)
30635-90x604.jpg)
30625-90x604.jpeg)
_(1)30624-90x604.jpg)
