Türkmenistanyň Täjigistandaky Adatdan daşary we Doly ygtyýarly ilçisi Aýmyrat Goçmyradow çarşenbe güni Duşenbe şäherinde BMG-niň Täjigistandaky Hemişelik utgaşdyryjysy Ramaswami Parwati bilen duşuşdy. Duşuşykda “Halkara parahatçylyk we ynanyşmak ýylynyň” çäklerinde durmuşa geçirilýän bilelikdäki başlangyçlara aýratyn üns berildi.
Söhbetdeşlikde Türkmenistanyň BMG-niň çäklerindäki işjeň orny, ýurduň Bitaraplyk ýörelgelerine we öňüni alyş diplomatiýasyna ygrarlylygy aýratyn bellenildi. Bu barada Türkmenistanyň Täjigistandaky ilçihanasy çarşenbe güni habar berdi.
Duşuşygyň dowamynda 2025-nji ýylyň awgustynda “Awaza” Milli syýahatçylyk zolagynda geçirilen BMG-niň Deňze çykalgasy bolmadyk ösüp barýan ýurtlar boýunça üçünji maslahatynyň (LLDC3) ähmiýeti hem ara alnyp maslahatlaşyldy.
Taraplar Türkmenistanyň hemişelik Bitaraplygynyň 30 ýyllygyna we BMG-niň döredilmeginiň 80 ýyllygyna bagyşlanan bilelikdäki çäreleriň, şol sanda ýaşlaryň, diplomatik wekilýetiň hem-de halkara guramalaryň gatnaşmagynda geçiriljek çäreleriň taýýarlyk meselelerine garadylar.
2024-nji ýylyň 21-nji martynda Türkmenistanyň başlangyjy boýunça BMG-niň Baş Assambleýasy biragyzdan “2025-nji ýyl – Halkara parahatçylyk we ynanyşmak ýyly” atly Kararnamany kabul etdi. Bu resminamanyň awtorlary hökmünde 86 döwlet çykyş etdi.
30635-495x4352.jpg)
30457-495x4352.jpg)
30635-90x604.jpg)
30625-90x604.jpeg)
_(1)30624-90x604.jpg)
