Astandada sişenbe güni giňişleýin düzümde Türkmenistanyň Prezidenti Serdar Berdimuhamedow bilen Gazagystanyň Prezidenti Kasym-Žomart Tokaýewyň arasynda geçirilen duşuşygyň çäginde, Türkmenistanyň we Gazagystanyň resmi wekiliýetleri hökümetara we pudagara ylalaşyklaryň birnäçesine gol çekdiler. Bu barada Gazagystan Prezidentiniň resmi metbugat gullugy habar berýär.
Gol çekilen resminamalar medeni-ynsanperwer, migrasiýa, hukuk, oba hojalygy we weterinariýa, saglygy goraýyş, ylym, ulag we sanly ulgamlar boýunça hyzmatdaşlygy öz içine alýar.
Resminamalar Türkmenistanyň we Gazagystanyň döwlet edaralarynyň, ministrlikleriniň hem-de sebitleýin dolandyryş edaralarynyň arasyndaky hyzmatdaşlyk ylalaşyklaryny we özara düşünişmek memorandumlaryny, şeýle hem 2026–2027-nji ýyllar üçin bilelikdäki hereketleriň meýilnamalaryny öz içine alýar.
Şol gün Türkmenistanyň Prezidenti Serdar Berdimuhamedow Gazagystanyň iň ýokary döwlet sylagy bolan “Altyn Kyran” ordeni bilen sylaglandy.
_(1)30624-495x4352.jpg)
30635-90x604.jpg)
30625-90x604.jpeg)
_(1)30624-90x604.jpg)
