Türkmenistanyň Prezidenti Serdar Berdimuhamedow Şri-Lanka Demokratik Sosialistik Respublikasynyň Prezidenti Anura Kumara Dissanaýakä ýurtda güýçli ýagyşlar sebäpli emele gelen suw joşgunlarynyň köp sanly adam pidalaryna, şikes ýetmelere hem-de weýrançylyklara getirendigi zerarly gynanç hatyny iberdi. Bu barada sişenbe güni Türkmenistanyň resmi metbugaty habar berdi.
Döwlet Baştutany şu agyr pursatda gurban bolanlaryň dogan-garyndaşlaryna we ýakynlaryna ýürekden gynanjyny, medet beriji sözlerini, ejir çekenlere bolsa tiz wagtda sagalmaklary baradaky dileglerini beýan etdi.
Günorta-Gündogar Aziýada soňky bir hepde-de güýçli ýagyş we şemal bilen utgaşýan howa şertleri dowam edýär.
Şri-Lankada suw joşmasy sebäpli azyndan 366 adam heläk bolandygy, 367 adamyň dereksiz ýitendigi, BMG-niň Bosgunlaryň işi baradaky Ýokary Komissarynyň Müdirligi habar berýär.
_(1)30624-495x4352.jpg)
30635-90x604.jpg)
30625-90x604.jpeg)
_(1)30624-90x604.jpg)
