Türkmenistanyň Prezidenti täze kazylary wezipä belledi

Türkmenistanyň Prezidenti, Türkmenistanyň Ýaragly Güýçleriniň Belent Serkerdebaşysy, goşun generaly Serdar Berdimuhamedow çarşenbe güni Döwlet howpsuzlyk geňeşiniň nobatdaky mejlisini geçirip, onuň dowamynda Türkmenistanyň kazyýetleriniň kazylaryny wezipä bellemek we wezipeden boşatmak hem-de olara hünär derejelerini bermek hakynda Permana gol çekdi. Bu barada Türkmenistanyň resmi metbugaty habar berýär.

Paýtagtyň Berkararlyk etrap kazyýetiniň maşgala işleri boýunça kazysy wezipesine Gurbanow Döwran bellenildi. Ahal welaýatynyň Ak bugdaý etrap kazyýetiniň başlygy wezipesine Seýtiýew Serdar Altyýewiç bellenildi, ol Balkan welaýatynyň Balkanabat şäher kazyýetiniň kazysy wezipesinden boşadyldy. Ahal welaýatynyň Altyn asyr etrap kazyýetiniň kazysy wezipesine Hydyrberdiýew Rahymberdi Nurberdiýewiç bellenilip, oňa kazynyň bäşinji hünär derejesi berildi. Balkan welaýatynyň Balkanabat şäher kazyýetiniň kazysy wezipesine Sapargulyýewa Göwher Çaryýewna işe başlady. Balkan welaýatynyň Gyzylarbat etrap kazyýetiniň kazysy wezipesine Begmyradow Meýlis bellenildi we oňa kazynyň bäşinji hünär derejesi berildi.

Daşoguz welaýatynyň Garaşsyzlyk etrap kazyýetiniň kazysy wezipesine Amanow Merdan Ilmämmedowiç bellenildi. Daşoguz welaýatynyň Saparmyrat Türkmenbaşy etrap kazyýetiniň kazysy wezipesine Mätýewa Aýjan Şamyradowna tassyklanyldy. Daşoguz welaýatynyň Gubadag etrap kazyýetiniň kazysy wezipesine Medaliýew Babajan Myratgeldiýewiç bellenildi. Olaryň üçüsine hem kazynyň 5-nji hünär derejeleri berildi.

Lebap welaýatynyň Farap etrap kazyýetiniň kazysy wezipesine Akmämmedow Ýakup Berdimuhammedowiç bellenildi.

Garabekewül etrap kazyýetiniň kazysy wezipesine Bäşimow Yhlas Jumaýewiç bellenildi. Döwletli etrap kazyýetiniň kazysy wezipesine Alymow Bahtiýar Yhtyýarowiç bellenildi. Olaryň ikisine hem kazynyň 5-nji hünär derejeleri berildi.

Mary welaýatynyň Mary şäher kazyýetiniň maşgala işleri boýunça kazysy wezipesine Atahanowa Gülälek Annamyradowna bellenildi. Oguzhan etrap kazyýetiniň kazysy wezipesine Aşirow Eziz tassyklanyldy we oňa kazynyň 5-nji hünär derejesi berildi.

Bazargeldi Ýazmyradowy, ygtyýarlyk möhletiniň tamamlanandygy sebäpli, Daşoguz welaýatynyň Daşoguz şäher kazyýetiniň başlygy wezipesinden boşadyldy. Şeýle hem Aşgabat şäheriniň Berkararlyk etrap kazyýetiniň kazysy Ýazmuhammedow Ýagşymyrat Toýlyýewiç wezipesinden boşadyldy. 

Türkmenistanyň Döwlet howpsuzlyk geňeşiniň mejlisinde harby we hukuk goraýjy edaralaryň şu ýylyň on bir aýynda ýerine ýetiren işleriniň jemleri jemlenildi.