Aşgabat şäherinde 11–12-nji dekabry aralygynda Türkmenistanyň hemişelik Bitaraplygynyň 30 ýyllygyna bagyşlanan sergi geçiriler. Bu barada Türkmenistanyň resmi metbugaty sişenbe güni habar berdi.
Sergide ýurduň milli pudaklarynda gazanylan üstünlikler görkeziler, bu bolsa telekeçiligi ösdürmek we halkara hyzmatdaşlygyny pugtalandyrmak üçin giň mümkinçilikleri döreder.
Sergä ugurdaş ministrlikleriniň we pudaklaýyn dolandyryş edaralarynyň hünärmenleri, Türkmenistanyň Senagatçylar we telekeçiler birleşmesiniň agzalary, şeýle hem daşary ýurt kompaniýalary gatnaşmaga çagyrylýar.
Sergä isleg bildirýänler 11-nji dekabrda — 11:00-dan 18:00-a çenli, 12-nji dekabrda — 10:00-dan 17:00-a çenli baryp bilerler. Çärä Aşgabatdaky Türkmenistanyň Söwda-senagat edarasynyň binasynda orun berler.
