Türkmen halkynyň Milli Lideri, Türkmenistanyň Halk Maslahatynyň Başlygy Gurbanguly Berdimuhamedow penşenbe güni Türkiýe Respublikasynyň Prezidenti Rejep Taýyp Ärdogany Aşgabat halkara howa menzilinde garşylady. Bu barada Türkmenistanyň resmi metbugaty habar berýär.
Howa menzilinde geçirilen söhbetdeşlikde Türkmen halkynyň Milli Lideri Türkiýäniň döwlet Baştutanyna Türkmenistanyň hemişelik Bitaraplygynyň 30 ýyllygyna bagyşlanan Halkara foruma gatnaşýandygy üçin minnetdarlyk bildirdi. Şeýle hem Rejep Taýyp Ärdoganyň amala aşyran bu saparynyň Ankaranyň Türkmenistanyň daşary syýasatyndaky ýörelgelerine üýtgewsiz goldawynyň subutnamasydygy bellenildi.
Türkiýäniň Prezidenti çakylyk üçin minnetdarlyk bildirip, Aşgabatdaky forumyň halkara hyzmatdaşlygynyň geljekki ugurlaryny ara alyp maslahatlaşmak hem-de parahatçylyk we ynanyşmak ýörelgelerini öňe sürmek üçin möhüm meýdança bolup hyzmat edýändigini belledi.
Taraplar türkmen-türk hyzmatdaşlygyny mundan beýläk-de berkitmekde giň ugurlar boýunça hyzmatdaşlygy giňeltmäge gyzyklanma bildirýändiklerini bellediler.
Mundan öň Aşgabada Gazagystanyň Prezidenti Kasym-Žomart Tokaýew, Eýran Yslam Respublikasynyň Prezidenti Masud Pezeşkian, Täjigistanyň Prezidenti Emomali Rahmon, Gyrgyzystanyň Prezidenti Sadyr Žaparow, Özbegistanyň Prezidenti Şawkat Mirziýoýew, Ermenistanyň Prezidenti Waagn Haçaturýan, Yragyň Prezidenti Abdul Latif Raşid hem-de San-Tome we Prinsipi Demokratik Respublikasynyň Prezidenti Karluş Manuel Wila-Nowa hem gelipdi.
30704-90x604.jpg)
