BMG-niň Ýewropa ykdysady komissiýasynyň Ýerine ýetiriji sekretary Tatýana Molçan penşenbe güni Aşgabatda Halkara parahatçylyk we ynanyşmak ýylyna bagyşlanan forumynyň çäginde çykyş edip, Türkmenistanyň global dialogy öňe sürmekdäki we halkara hyzmatdaşlygy ösdürmekdäki başlangyçlary barada belläp geçdi.
Tatýana Molçan çykyşynda "parahatçylygyň binägärligi" meselesine aýratyn üns berdi. UNECE-niň wekili, ulag, söwda we energetika ulgamlarynda hyzmatdaşlygyň ýurtlar arasynda özara baglylyk döredýändigini belledi.
Ol şeýle hem Türkmenistanyň halkara konwensiýalaryň çäginde suw serişdelerini dolandyrmak meselelerinde eýeleýän möhüm ornuny belläp geçdi. Onuň bellemegine görä, suw serişdelerini netijeli dolandyrmak, klimat stressiň güýçlenmegi şertlerinde aýratyn möhüm bolup durýar.
Forumda, şeýle hem Ermenistanyň, Eýranyň, Gazagystanyň, Gyrgyzystanyň, Russiýanyň, Täjigistanyň, Türkiýäniň we Özbegistanyň Prezidentleri çykyş etdiler.
