“Ajaýyp Bina” hususy kärhanasy hem-de Babadaýhan dokma toplumy 13–16-njy ýanwar aralygynda Germaniýanyň Frankfurt şäherinde geçirilen “Heimtextil 2026” atly halkara sergisine gatnaşdylar. Bu barada çäräniň resmi web sahypasynda habar berilýär.
Bu sergä dünýäniň 65 ýurdundan 3 müňden gowrak kompaniýa gatnaşyp, ol öý we şertnama esasynda öndürilýän dokma önümleri hem-de dokma dizaýny boýunça öňdebaryjy ählumumy meýdança hökmünde tanalýar.
Serginiň çäklerinde türkmen kompaniýalary durnukly dokma önümçiligi üçin innowasion çözgütleri öz içine alýan dokma önümleriniň giň toplumyny hödürlediler.
Türkmen kompaniýalarynyň “Heimtextil 2026” halkara sergisine gatnaşmagy olaryň halkara hyzmatdaşlyga taýýardygyny hem-de dokma senagatyny dünýä bazarynda ilerletmäge bolan gyzyklanmasyny görkezýär.
2026-njy ýylyň 4–6-njy iýuny aralygynda Aşgabat şäherinde “TurkmenTextile Expo 2026” atly halkara dokma sergisiniň geçirilmegi meýilleşdirilýär.
30921-90x604.jpg)
