Türkmenistan bilen Aziýa we Ýuwaş umman boýunça ykdysady we durmuş komissiýasynyň (ESKATO) arasyndaky hyzmatdaşlyk söwda, özara baglanyşyk, energiýa geçişi we sanly ösüş ýaly esasy ugurlar boýunça maksatly amala aşyryş tapgyryna geçýär. Bu barada ESKATO-nyň ýerine ýetiriji sekretarynyň orunbasary Şombi Şarp “Trend” agentligine beren beýanatynda aýtdy.
Şombi Şarpyň aýtmagyna görä, ESKATO Birleşen Milletler Guramasynyň Ýewropa ykdysady komissiýasy hem-de BMG-niň Ýurt boýunça topary bilen bilelikde Türkmenistanyň Hökümeti bilen Durnukly ösüş maksatlaryny öňe sürmek boýunça hyzmatdaşlyk edýär. 2030-njy ýylyň golaýlaşmagy bilen hyzmatdaşlyk söwda, innowasiýalar, energetika geçiş we maglumatlaryň ösüşi ýaly ugurlara gönükdirilýär.
ESKATO-nyň ýerine ýetiriji sekretarynyň orunbasary Türkmenistanyň durnukly ulag ulgamyny ösdürmekde we sebitara özara baglanyşyklylygy pugtalandyrmakda öňdebaryjy ornuny belläp geçdi. Şeýle hem Şombi Şarp ESKATO-nyň “Ýaşyl energetika geçelgesi” başlangyjynyň çäklerinde hem-de sanly ykdysadyýet ulgamynda özara hyzmatdaşlyk üçin uly mümkinçilikleriň bardygyny nygtady.
Şu ýylyň ýanwar aýynda Şombi Şarpyň ýolbaşçylygyndaky ESKATO-nyň wekiliýeti 2026-njy ýylyň 21–22-nji ýanwarda Aşgabat şäherinde geçirilen SPEKA 2026 Ykdysady forumyna gatnaşmak üçin sapar bilen Türkmenistana geldi.
