“elkitap” programmasy ulanyjylara türkmen, rus, iňlis, türk we ýakynda goşulan nemes dillerinde elektron hem-de audiokitaplary hödürleýär. Bu barada programmanyň kontent menejeri Oleg Sanjiýew Aşgabatda 19–22-nji awgust aralygynda geçirilen “Kids Expo 2026: Ähli zat çagalar üçin” halkara sergi-ýarmarkasynyň dowamynda “Business Turkmenistan” neşirine beren gürrüňdeşliginde aýtdy.
Ýerli sanly hyzmat 2026-njy ýylyň ýanwarynda işe girizildi. Häzirki wagtda “elkitap” programmasynyň kitaphanasynda dürli ugurlardaky 15 müňe golaý kitap bar. Ulanyjylar daşary ýurt edebiýatyny, psihologiýa we işewürlik baradaky kitaplary, fantastik eserleri, şeýle hem okuw üçin niýetlenen edebiýatlary tapyp bilerler. Anime we komiks söýüjiler üçin programmada manga we komiksleriň täze tapgyrlary hem yzygiderli ýerleşdirilýär.
Oleg Sanjiýewiň sözlerine görä, “elkitap” programmasyny iOS we Android ulgamlaryna ýükläp bolýar we hyzmatdan peýdalanýanlaryň sany eýýäm 12 müňe ýetdi.
Täze ulanyjylar programmanyň mümkinçilikleri bilen tanyşmak üçin “elkitap” hyzmatyndan ýedi günüň dowamynda mugt peýdalanyp bilerler. Synag möhleti tamamlanandan soň, hyzmaty aýlyk 35 manatlyk abuna arkaly ulanmagy dowam etdirmek bolýar.
