ABŞ-nyň Döwlet sekretarynyň orunbasary Kristofer Landau sapar bilen Türkmenistana geler

BT
ABŞ-nyň Döwlet sekretarynyň orunbasary Kristofer Landau sapar bilen Türkmenistana geler
ABŞ-nyň Döwlet sekretarynyň orunbasary Kristofer Landau Fiji döwletiniň Nasuri howa menzilinde, 2026-njy ýylyň 28-nji fewraly (Surat: Fiji döwletiniň daşary işler we daşarky söwda boýunça ministrligi)

ABŞ-nyň Döwlet sekretarynyň orunbasary Kristofer Landau 16–24-nji noýabr aralygynda Türkmenistana, Täjigistana we Türkiýä sapar eder. Kristofer Landau Aşgabatda Türkmenistanyň hökümetiniň ýokary wezipeli wekilleri, şeýle hem türkmen we amerikan işewür toparlarynyň wekilleri bilen duşuşar.Bu barada ABŞ-nyň Döwlet departamenti habar berýär.

Habarda bellenilişi ýaly, Landau Aşgabat şäherinde geçiriljek duşuşyklarda energiýa eksportynyň ugurlaryny diwersifikasiýalaşdyrmak, hususan-da, Hazarüsti geçelgesi we TRIPP boýunça hyzmatdaşlygy giňeltmek meselelerine üns berler.

Şeýle hem taraplar söwda we maýa goýumlaryny artdyrmak, ykdysady gatnaşyklary pugtalandyrmak hem-de sebitara arabaglanyşygy ösdürmek arkaly özara bähbitli hyzmatdaşlygy giňeltmegiň mümkinçiliklerini ara alyp maslahatlaşarlar.

ABŞ-nyň Döwlet sekretarynyň orunbasary Kristofer Landau saparynyň dowamynda ilki bilen Täjigistanyň Duşenbe şäherinde, soňra Türkiýäniň Stambul şäherinde bolar. Ol bu ýurtlaryň hökümet wekilleri we işewür toparlary bilen hem duşuşyklary geçirer.

2022