Ýewropanyň Täzeleniş we Ösüş Banky (ÝTÖB) Türkmenistanda işine başlany bäri umumy bahasy 350 million ABŞ dollaryna barabar bolan maýa goýum goýdy. Bu barada ÝTÖB-niň wekili Anton Usowa salgylanyp, “Trend” habarlar gullugy ýekşenbe güni habar berdi.
Usow häzirki wagtda ÝTÖB-niň Türkmenistanda 85 million ABŞ dollaryna barabar bolan taslamalary amala aşyrýandygyny aýtdy.
ÝTÖB-niň wekili Ýewropa bankynyň häzirki wagtda Türkmenistanyň bank we şäher gurluşyk pudaklarynda taslamalary durmuşa geçirmegiň mümkinçiliklerini öwrenýändigini hem belledi.
Usowyň aýtmagyna görä, ÝTÖB-niň Türkmenistanda esasy ileri tutýan ugurlarynyň biri hususy pudagyň ösüşini goldamakdan ybaratdyr.
ÝTÖB 2020-nji ýylyň noýabr aýynyň ortalaryndan bäri Türkmenistanda 59 million ýewro barabar bolan 34 taslama amala aşyrdy.
