Daşoguz şäheriniň «Demirbetonönümleri» zawody 2022-nji ýylda 41 million manada barabar bolan önüm öndürdi.
Türkmenistanyň Senagat we gurluşyk ministrligine degişli bolan bu zawod 2022-nji ýyl üçin önümçilik meýilnamasyny 5 million manatdan geçirip ýerine ýetirdi. Bu barada Türkmenistanyň resmi metbugaty sişenbe güni habar berdi.
Bu döwürde Demirbetonönümleri zawody takmynan 31 müň kub metr demir-beton öndürdi.
Geçen ýyl zawodda öndürilen önümleriň görnüşi 80 önümden geçdi. Öndürilen önümleriň arasynda 148-U belgili iri panelli ýaşaýyş jaýlaryny gurmak üçin niýetlenen zerur düzümler, suw geçirijileri üçin demir-beton turbalary, lagym guýulary üçin beton lýuklar, plitalar we beton bordýurleri bardyr.
Bu zawodda öndürilýän önümler ýurduň Daşoguz welaýatynyň ýaşaýyş jaý pudagyny ösdürmekde giňden ulanylýar. Zawodyň gurluşyk bölüminiň gatnaşmagynda geçen ýyl bu welaýatda dört sany iri panelli ýaşaýyş jaý guruldy.
