“Türkmengaz” döwlet konserniniň “Lebapgazçykaryş” müdirligi tarapyndan şu ýylyň ýanwar aýynda 1 milliard 19,3 million kubmetre tebigy gaz gazylyp alyndy.
Şeýlelikde, “Lebapgazçykaryş” müdirligi tebigy gaz öndürmek boýunça meýilnamany 104 göterim ýerine ýetirdi. Bu barada “Türkmengaz” döwlet konserniň resmi metbugat gullugy sişenbe güni habar berdi.
Habarda bellenilişi ýaly, Kükürtli ulgam-önümçilik uçastogy boýunça tebigy gazyň çykarylyşy geçen aýda 846,9 million kubmetre barabar boldy.
Şeýle hem çykarylan gazyň bir bölegi Malaý-Bagtyýarlyk gaz geçirijisine ugradylýar. Bu gaz geçiriji boýunça geçen aýda 489 million kubmetr tebigy gaz sarp edijilere iberildi. Mundan başga-da bu turba geçiriji arkaly tebigy gaz Hytaýa akdyrylýar.
