Türkmenistanyň paýtagty Aşgabat şäherinde ýerleşýän ýurduň Söwda-senagat edarasynda 2024-nji ýylyň 17-19-njy marty aralygynda Türkmenistanyň Senagatçylar we telekeçiler birleşmesiniň (TSTB) döredilmeginiň 16 ýyllygy mynasybetli sergi hem-de birleşmäniň agzalarynyň maslahaty geçiriler. Bu barada TSTB habar berdi.
TSTB-niň döredilmeginiň 16 ýyllygy mynasybetli geçiriljek sergide Türkmenistanyň senagat ulgamynda, obasenagat toplumynda, himiýa önümçiliginde, söwda hem-de hyzmatlar pudagynda, milli senetçilikde, haly önümçiliginde iş alyp barýan kärhanalaryň önümleri görkeziler.
Şeýle hem Senagatçylar we telekeçiler birleşmesiniň dürli ugurda iş alyp barýan agzalary öz önümlerini hem-de geçen döwürde gazanan üstünliklerini sergä gatnaşyjylara hödürlärler.
Sergä gatnaşmaga isleg bildirýän taraplar giňişleýin maglumatlar üçin Türkmenistanyň Senagatçylar we telekeçiler birleşmesine ýüz tutup bilerler.
2008-nji ýylda döredilen Türkmenistanyň Senagatçylar we telekeçiler birleşmesi häzirki wagtda Türkmenistanyň hususy işewürliginiň wekilleriniň 28 müňden gowragyny özünde jemleýär.
