Hytaýyň öňdebaryjy awtobus öndürijisi “Yutong Bus Co., LTD” kompaniýasy wodorod, elektrik, gibrid modelleri ýaly ekologiýa taýdan arassa ulag serişdeleriň giň görnüşlerini hödürleýär. Bu barada kompaniýanyň Merkezi Aziýa sebiti boýunça baş direktory Li Haýfen çarşenbe güni Aşgabatda “Halkara ulag-üstaşyr geçelgeleri: özara arabaglanyşyk we ösüş – 2024” atly maslahatda mälim etdi. Bu barada Türkmenistanyň resmi metbugaty habar berýär.
“Yutong” awtobuslary içinden ýanýan hereketlendirijili adaty ulag serişdelerine goşmaça çözgüt bolup, kömürturşy gazynyň zyňyndylarynyň düýpli azaldylmagyna, galmagalyň peseldilmegine we daşky gurşawa ýetirilýän zyýany iň az möçberde azaltmaga şert döredýär.
Kompaniýanyň Merkezi Aziýa sebiti boýunça baş direktory Li Haýfen ekologiýany goramagyň ählumumy wezipedigini, ekologiýa taýdan arassa ulaglaryň ösdürilmeginiň bolsa bu ugurda möhüm ädimdigini belledi.
Kompaniýa ekologiýa taýdan arassa ulag ulgamynda Türkmenistan bilen hyzmatdaşlygyň durmuş derejesini gowulandyrmaga we ilat üçin has amatly şertleri döretmäge mümkinçilik döretjekdigine ynam bildirýär.
“Yutong” kompaniýasy ekologiýa taýdan arassa ulag çözgütleri, şol sanda elektrik, wodorod we gibrid modelleri işläp taýýarlamaga ýöriteleşen Hytaýyň iri awtobus öndürijisidir. Kompaniýa ulag ulgamynyň durnuklylygyny ýokarlandyrmakda we kömürturşy gazyň zyňyndylaryny azaltmakda halkara bazarda işjeň iş alyp barýar. Munuň özi tutuş dünýäde ekologik ýagdaýyň gowulandyrylmagyna şert döreder.
Neşirimize ýazylmak üçin:
WhatsApp: Biznes Türkmenistan
Telegram: Biznes Türkmenistan
Instagram: Biznes Türkmenistan
Dzen: Бизнес Туркменистан
