Türkmenistanyň Prezidenti Serdar Berdimuhamedow çarşenbe güni Sankt-Peterburg şäherinde Garaşsyz Döwletleriň Arkalaşygynyň (GDA) döwlet Baştutanlarynyň Täze ýylyň öňüsyrasynda däp bolan resmi däl sammitine gatnaşdy.
Sammitiň barşynda oňa gatnaşyjylar Arkalaşygyň çäklerinde şu ýylda alnyp barlan işleriň netijelerini jemläp, hyzmatdaşlygyň ileri tutulýan ugurlaryny maslahatlaşdylar hem-de geljekki meýilnamalary kesgitlediler. Ykdysady we ynsanperwer gatnaşyklary berkitmegiň meseleleri hem-de halkara we sebit gün tertibiniň möhüm ugurlary maslahatlaşyldy.
Russiýanyň Prezidenti Wladimir Putin GDA-nyň çäklerinde hyzmatdaşlygy ösdürmekde Türkmenistanyň goşandyny belledi. Ol şeýle hem sebitde parahatçylygy we durnuklylygy pugtalandyrmakdaky tagallalary üçin Serdar Berdimuahmedowa we türkmen halkynyň Milli Lideri Gurbanguly Berdimuhamedowa hoşallyk bildirdi.
Sammitiň dowamynda türkmeniň akyldar şahyry Magtymguly Pyragynyň ýubileý senesine aýratyn üns çekildi. Şu ýyl şahyryň doglan gününiň 300 ýyllygyna bagyşlanyp diňe bir Türkmenistanda däl, eýsem, GDA-nyň ýurtlarynda geçirilen köp sanly medeni çärelere beslendi.
Saparyň maksatnamasyny tamamlap, Türkmenistanyň Prezidenti Serdar Berdimuhamedow Sankt-Peterburgdan Aşgabada ugrady. Türkmenistanyň döwlet Baştutanyny resmi wekiller garşyladylar.
Neşirimize ýazylmak üçin:
WhatsApp: Biznes Türkmenistan
Telegram: Biznes Türkmenistan
Instagram: Biznes Türkmenistan
Dzen: Бизнес Туркменистан
