2025-nji ýylyň 10-njy oktýabryndan 15-nji oktýabryna çenli Aşgabatda Bütindünýä Saglygy Goraýyş Guramasynyň Ýewropa Sebit Býurosynyň (BSG/ÝSB) bilermenleriniň tehniki missiýasy geçirildi. Saparyň maksady — bronhial astma we öýkeniň dowamly obstruktiw keseli (ÖDOK) ýaly dowamly dem alyş ýollary kesellerini (DDÝK) öňüni almak, diagnoz goýmak we bejermegiň netijeliligini ýokarlandyrmak.
Missiýanyň dowamynda BSG-niň hünärmenleri milli bilermenler bilen bilelikde ÖDOK we astma boýunça maslahatlary gözden geçirdiler we täzelediler, olary häzirki zaman halkara ülňülerine laýyklaşdyrdylar. Hassalaryň zerurlyklaryna gönükdirilen we lukmançylyk hyzmatlarynyň hilini ýokarlandyrmaga gönükdirilen täze kliniki ýollar işlenip düzüldi.
Lukmanlary amaly taýdan okatmaklyga aýratyn üns berildi. BSG-niň bilermenleri Halkara Fiziologiýa ylmy – kliniki merkezi, şeýle hem Aşgabat we Türkmenabat şäherleriniň lukmançylyk merkezlerinde pulmonologiýa we allergologiýa boýunça okuwlary geçirdiler. Okuwlar dem alyş ýollary kesellerini bejermegiň hilini barlamak we netijeliligini yzarlamak boýunça milli mümkinçilikleri güýçlendirmäge gönükdirildi.
Missiýanyň ahyrynda milli iş toparynyň mejlisi geçirildi, onda täzelenen kliniki çemeleşmeleri bütin ýurt boýunça ornaşdyrmak boýunça geljekki ädimler kesgitlendi. BSG ýokanç däl keselleriň öňüni almak we bejermek boýunça maksatnamalary durmuşa geçirmekde Türkmenistana goldaw bermegi dowam etdirmäge taýýardygyny tassyklady.
Çeşme: THP
30635-495x4352.jpg)
30457-495x4352.jpg)
30635-90x604.jpg)
30625-90x604.jpeg)
_(1)30624-90x604.jpg)
