Türkmenistan 2026-njy ýylyň ýanwar–fewral aýlarynyň jemleri boýunça Özbegistana haryt eksport ediji iň iri ýurtlaryň ilkinji onlugyna girdi we ýurda umumy möçberi 121,5 million ABŞ dollaryna barabar bolan haryt eksport etdi. Bu barada ýurduň Milli statistika komitetiniň çarşenbe güni çap eden maglumatynda habar berdi.
Ýylyň ilkinji iki aýynda Özbegistanyň umumy importynyň möçberi 8,1 milliard ABŞ dollaryna deň bolup, bu görkeziji 2025-nji ýylyň degişli döwri bilen deňeşdirilende 29,8 göterim artdy. Hasabat döwründe ýurt 135-den gowrak döwletden harytlary we hyzmatlary import etdi.
Özbegistanyň importy boýunça iň uly söwda hyzmatdaşy Hytaý bolup, onuň yzyndan Russiýa we Gazagystan gelýär.
Şu ýylyň 1-nji marty ýagdaýyna görä, türkmen maýasynyň gatnaşmagynda Özbegistanyň gurluşyk pudagynda 18 sany kärhana, ulag pudagynda bolsa 15 sany kärhana hereket edýär.
