Mary welaýatynda boş iş orunlarynyň hödürleniş çäresi geçiriler

Mary welaýatynyň Zähmet we ilatyň iş bilen üpjünçiligi müdirligi 2024-nji ýylyň 2-nji dekabrynda Mary şäheriniň “Mary” myhmanhanasynda sagat 10:00-dan 12:00-a çenli boş iş orunlarynyň hödürleniş çäresini geçirýändigini habar berýär.

Mary welaýatynyň Zähmet we ilatyň iş bilen üpjünçiligi müdirligi kärhanalaryň, guramalaryň, edaralaryň hem-de hususy telekeçileriň özlerindäki boş iş orunlary baradaky maglumatlary bilen bilelikde agzalan çärä wekilleriniň gatnaşmaklaryny üpjün etmeklerini, işe ýerleşmek isleýän raýatlaryň bolsa şahsyýetini tassyklaýan resminamasy, eger bar bolsa zähmet depderçesi hem-de hünärini tassyklaýan resminamasy bilen agzalan çärä gatnaşmaklaryny haýyş edýär.

Salgysy: Mary şäheriniň Mollonepes köçesiniň 23-nji jaýy.

Habarlaşmak üçin telefon belgileri:

+993(522)-7-24-28

+993(522)-7-41-88