CNPC-niň Türkmenistandaky şahamçasy gatlaklary kislotaly gidro usulda bölmek hyzmatyny bermek boýunça bäsleşik yglan edýär

CNPC-niň Türkmenistandaky şahamçasy 2025–2027-nji ýyllar aralygynda gatlaklary kislotaly işlemek we gatlaklary kislotaly gidro usulda bölmek hyzmatyny bermek boýunça №CIT-24085-SR belgili bäsleşigiň deslapky saýlamalaryny yglan edýär

Bu hyzmatlary bermek üçin zerur enjamlar we işgärler:

1. Dürli ýokary basyşly nasoslar, manifoltlar, gözegçilik ulgamy, materiallar, enjamlar we işgärler üçin ulag serişdeleri, dürli himiki reagentleri garyşdyryjy ulgam, laboratoriýa, FA, NKT we beýlekiler.
2. Agressiw düzümli komponentleri we adatdan daşary ýokary gatlak basyşy bolan gaz känlerinde hyzmatlary ýerine ýetirmäge ukyply ýokary hünär derejeli topar.

Gyzyklanma bildirýän islendik kompaniýalar aşakda görkezilen resminamalary tabşyryp, tendere gatnaşyp biler:

• Ýolbaşçynyň goly we möhüri bilen tassyklanan tendere gatnaşmak üçin resmi arza.
• Kompaniýa barada gysgaça maglumat, şol sanda esasy işewürligi, doly ady, hukuk ýagdaýy, gurluşy we guramaçylyk düzümi barada maglumat.
• Bäsleşige gatnaşýan kompaniýanyň hasaba alyş resminamalary.
• Soňky 3 ýylyň dowamynda auditorlyk gullugy tarapyndan tassyklanan maliýe hasabatlary.
• Soňky 3 ýylyň içinde bu ugurdaky iş tejribesi barada maglumat.
• Zerur enjamlaryň bardygy, häzirki ýagdaýy we ýerleşýän ýeri barada maglumat
• Türkmenistanyň Senagatçylar we telekeçiler birleşiginda hasaba alyş şahadatnamasynyň göçürmesi.

Ähli gyzyklanýan kompaniýalar bäsleşik resminamalaryny möhür bilen kepillendirip ugrukdyryjy hat bilen birlikde ýapyk bukjada tabşyrmalydyr. (Bukja 2 sany nusgada taýýarlanylyp, onda hökmany suratda resminamanyň skanirlenen görnüşi bolmaly). Bukjanyň daşky ýüzünde kabul edijiniň ady, iberijiniň ady, bäsleşigiň belgisi we ady görkezilmelidir.

Arzalar bildiriş çap edilen gününden başlap 10 (on) senenama gününiň dowamynda kabul edilýär. Bellenen möhletden giç tabşyrylan arzalar kabul edilmeýär.

Jogapkär hünärmen: Narine Simonýan

Telefon belgisi: +993 12 44-54-34

Faks: +993-12-44 50 44