Türkmen söweşijisi Döwletjan Ýagşymyradow orta agramda “PFL-niň” nobatdaky ýaryş möhsüminiň final tutluşygynda ýeňiş gazanyp, “PFL-niň” Baş baýragynyň çempiony boldy. Tutluşyk 29-njy noýabrdan 30-na geçilen gije Saud Arabystanynyň Er-Riýad şäherinde geçirildi.
Aýgytlaýjy duşuşykda D.Ýagşymyradow amerikaly Impa Kasangana bilen duşuşyp, ynamly ýeňiş gazandy.
Ýaryşyň finalynda sylag hökmünde diňe bir çempionlyk ady däl, eýsem, 1 million amerikan dollary möçberde pul baýragy goýuldy. Türkmenistanly söweşiji ajaýyp söweş emelleri bilen tutluşygyň tutuş wagtyny öz peýdasyna ynamly alyp bardy. Şeýle ähmiýetli ýaryşda gazanylan ýeňiş onuň sporta bagyşlan ömründe möhüm waka boldy.
35 ýaşly D.Ýagşymyradow üçin bu ýeňiş eýýäm ikinji gezek yzly-yzyna gazanylan üstünlik boldy. 2024-nji ýylyň awgustynda geçiren soňky tutluşygynda Rob Uilkinsondan üstün çykan bolsa, häzir ol “PFL-niň” çempiony diýen ada eýe boldy. Bu üstünlik onuň garyşyk söweş sungatynda dünýädäki abraýyny has-da berkidýär.
Neşirimize ýazylmak üçin:
WhatsApp: Biznes Türkmenistan
Telegram: Biznes Türkmenistan
Instagram: Biznes Türkmenistan
Dzen: Бизнес Туркменистан
