Şu ýylyň ýanwar – noýabr aýlarynda Bäherden tikin fabrigi önümçilik möçberini artdyryp, ony 15 million manada ýetirdi.
“Türkmenistan” gazetiniň çarşenbe günündäki sanynda habar berlişi ýaly, bu görkeziji geçen ýylyň degişli döwründikiden ösüş depgininiň 108 göterim üpjün edilendigini görkezýär.
Önümçiligiň ösüşiniň düýpli ýokarlanmagy netijesinde fabrika bellenilen görkezijä 125 göterim ösüş depgini bilen ýetip, ýyllyk meýilnamasyny artygy bilen ýerine ýetirdi.
Habarda bellenilişine görä, tikin önümlerini taýýarlamak işine kärhananyň 100-den gowrak işgäri işjeň gatnaşýar. Hasabat döwründe ýokary hili we ekologiýa taýdan arassalygy bilen tapawutlanýan önümleriň 882 müň birliginden gowragy taýýarlanyldy.
