Türkmenistanyň Adalat ministrligine Daşoguz welaýatynyň Daşoguz şäherinde we Balkan welaýatynyň Türkmenbaşy şäherinde ministrlige degişli edara binalaryň taslamalaryny düzmäge we gurmaga “Röwşen” hususy kärhanasy bilen şertnamalary baglaşmaga ygtyýar berildi.
Türkmenistanyň resmi metbugatynyň habar bermegine görä, degişli Karara Türkmenistanyň Prezidenti Serdar Berdimuhamedow çarşenbe güni geçirilen Döwlet howpsuzlyk geňeşiniň mejlisiniň barşynda gol çekdi.
Degişli taslamalar zerur bolan ähli inžener-aragatnaşyk, gaz we elektrik üpjünçilik düzümleriniň döredilmegini öz içine alýar.
Gurluşyk işlerine 2025-nji ýylyň fewral aýynda başlamak we 2027-nji ýylyň ýanwar aýynda ulanmaga doly taýýar edip tabşyrmak bellenildi.
Neşirimize ýazylmak üçin:
WhatsApp: Biznes Türkmenistan
Telegram: Biznes Türkmenistan
Instagram: Biznes Türkmenistan
Dzen: Бизнес Туркменистан
