Türkmenistan 2025-nji ýylda diplomalary resmi ykrar ediljek, Türkmenistanyň Bilim ministrligi tarapyndan düzülen daşary ýurt ýokary okuw mekdepleriniň täzelenen sanawyny çap etdi. Ol dünýäniň abraýly reýting guramalary tarapyndan öňdebaryjy hasaplanylýan ýokary okuw mekdepleri özünde jemleýär.
Doly sanaw Türkmenistanyň Bilim ministrliginiň resmi web-saýtynda elýeterlidir. Oňa «Uniwersitetiň üç missiýasy» atly Moskwanyň halkara reýtinginde, Uniwersitetleriň dünýä reýtingi 2025-de (The World University Rankings), Dünýä uniwersitetleriniň QS 2025 reýtinginde we Dünýä uniwersitetleriniň akademiki reýtingi 2025-de (Şanhaý reýtingi) görkezilen uniwersitetler girdi.
Türkmenistan daşary döwletleriň diplomalarynyň milli bahalandyryşa laýyk gelýändigini we ýurduň çäginde hukuk taýdan güýjüniň bardygyny tassyklamak maksady bilen daşary ýurtlarda bilim alan şahslaryň bilim alandygy hakynda resminamalaryny nostrifikasiýalaşdyrmak işini geçirýär.
Ýakynda Türkmenistan hukuk bilimi bolan daşary ýurt diplomalaryny ykrar etmek boýunça täze düzgün girizipdi. Oňa adatdan daşary ýagdaý sebäpli okuwlaryny onlaýn geçmeli bolan talyplaryň uzak aralykdan okap bilmek başarnyklaryny barlamaga degişlidir.
