Türkmenistanyň Döwlet haryt-çig mal biržasynyň (TDHÇMB) duşenbe güni geçiren söwdalarynda BND 60/90 kysymly ýol nebit bitumyny satyn almak boýunça umumy bahasy 135 million manada deň bolan geleşikler baglaşyldy. Bu barada TDHÇMB habar berdi.
Ýerli telekeçiler “Türkmennebit” döwlet konserniniň kärhanalarynda öndürilen şepbeşik nebit ýol bitumyny satyn aldylar.
Owganystanyň, Serbiýanyň we Birleşen Arap Emirlikleriniň işewür toparlarynyň wekilleri bolsa suwuklandyrylan gazy, goýy buýan köküniň ekstraktyny, şeýle hem arassalanmadyk guradylan buýan köklerini we kök baldaklaryny satyn almak boýunça umumy bahasy 1 million 322 müň 825 ABŞ dollaryna deň bolan geleşikleri baglaşdylar.
Duşenbe güni Türkmenistanyň Döwlet haryt-çig mal biržasynyň söwdalarynda jemi 23 geleşik hasaba alyndy.
