Türkmenistanyň Prezidenti Serdar Berdimuhamedow Lebap welaýatynyň häkimliginiň ýolbaşçy düzüminde wezipä bellemek we wezipeden boşatmak hakynda kararlara gol çekdi. Bu barada sişenbe güni Türkmenistanyň resmi metbugaty habar berdi.
Tawus Meýlisowna Amanowa Lebap welaýatynyň häkiminiň bilim, medeniýet, saglygy goraýyş we sport boýunça orunbasary wezipesinden boşadyldy.
Türkmenistanyň Prezidentiniň Kararyna laýyklykda Lebap welaýatynyň häkiminiň bilim, medeniýet, saglygy goraýyş we sport boýunça orunbasary wezipesine Gyzylgül Berkeliewna Ýollyýewa bellenildi.
Gyzylgül Berkeliewna Ýollyýewa täze wezipä bellenilmegi sebäpli Aşgabat şäheriniň Köpetdag etrabynyň häkiminiň orunbasary wezipesinden boşadyldy.
