“Аtalyk gurluşyk” hususy kärhanasy Daşoguz şäheriniň merkezi böleginde täze ýaşaýyş jaý toplumynyň gurluşygyna başlady. Bu barada Türkmenistanyň resmi metbugaty sişenbe güni habar berdi.
Daşoguz şäheriniň Zaman köçesiniň 7 gektar meýdanynda ýerleşjek täze toplumda ýedi gatly jaýlar tapgyrlaýyn gurular. Olaryň biri 42 öýli, ýene biri 56 öýli we beýlekileri 84 öýli ýaşaýyş jaýlary bolar.
Täze toplum golaýda gurlup ulanylmaga berlen awtomenziliň gapdalynda we telekeçilik merkeziniň binasynyň garşysynda ýerleşer.
“Derkar” hojalyk jemgyýeti tarapyndan Daşoguz şäherinde 80 hojalyga niýetlenen dört gatly ýaşaýyş jaýynyň birbada dördüsiniň gurluşygy alnyp barylýar.
