.jpg "Ýanwar-oktýabr: “Lebap” sement zawody 831 müň tonnadan gowrak sement öndürdi")
“Lebap” sement zawody 2022-nji ýylyň ýanwar-oktýabr aýlarynda 831 müň 636 tonna sement öndürdi.
Lebap welaýatynyň Köýtendag etrabynda ýerleşýän bu kärhana häzirki wagtda doly kuwwatynda işledilýär we ýylda 1 million tonna sement öndürýär. Bu barada Türkmenistanyň resmi metbugaty çarşenbe güni habar berdi.
Sementiň önümçiligi üçin ähli zerur çig mallar – hek daşy, palçyk, gips, kwars gumy zawodyň golaýyndaky kän hojalygyndan gazylyp alynýar.
“Lebap” sement zawody 2013-nji ýylyň fewral aýynda ulanylmaga berildi. Zawodyň önümleri içerki we halkara bazarlarda satylýar.
Lebap sement zawodynyň ikinji tapgyrynyň gurluşygy 2020-nji ýylda başlandy. “Türkmen enjam” hojalyk jemgyýeti bu taslamanyň gurluşygyny alyp barýar.
