Gyrgyzystanyň Türkmenistan bilen daşary söwda dolanyşygy 2022-nji ýylyň ýanwar-noýabr aýlarynda 79,6 million ABŞ dollaryndan gowrak bolup, 2021-nji ýylyň degişli döwri bilen deňeşdirilende 160,2 göterim ýokarlandy. Bu barada Gyrgyzystanyň Milli statistika komiteti geçen hepde çap eden hasabatynda mälim etdi.
2021-nji ýylyň birinji on bir aýynda iki ýurduň arasyndaky söwda dolanyşygy 30,59 million ABŞ dollaryndan gowrak bolupdy.
Geçen ýylyň on bir aýynda Gyrgyzystan 75 million ABŞ dollaryndan gowrak bolan türkmen önümlerini import edip, bu görkeziji 2021-nji ýylyň degişli döwri bilen deňeşdirilende 182,1 göterim ýokarlandy. Şol bir wagtyň özünde, ýurduň Türkmenistana eksporty 4,5 million ABŞ dollaryndan gowrak bolup, 2021-nji ýylyň degişli döwri bilen deňeşdirilende 14,4 göterim artdy.
Hasabatda bellenilişi ýaly, 2022-nji ýylyň on bir aýynda Gyrgyzystana esasy eksport edilen türkmen önümleriniň hatarynda nebit we gök önümleri hem-de elektrik energiýasy bardyr.
Gyrgyzystanyň 2022-nji ýylyň ýanwar-noýabr aýlarynda umumy daşary söwda dolanyşygy 10,57 milliard ABŞ dollaryndan geçdi we bu görkeziji 2021-nji ýylyň degişli döwri bilen deňeşdirilende 40,4 göterim ýokarlandy.
