Mary welaýatynyň häkimligi ýaşaýyş jaýlaryny gurmak boýunça tender yglan edýär

Mary welaýatynyň häkimligi welaýatyň häkimliginiň işgärleri üçin Mary şäheriniň Soltan Sanjar we Watan köçeleriniň kesişýän ýerinde Türkmenistanyň Prezidentiniň 2014-nji ýylyň 8-nji awgustyndaky “Türkmenistanda hususy ýaşaýyş jaýlarynyň gurluşygynyň we olary ýerlemegiň meseleleri hakynda” 13792-nji Kararyna laýyklykda, uzak möhletli bank karz serişdeleriniň hasabyna gurulmagy meýilleşdirilýän 2 sany 4 gatly, 38 öýli ýaşaýyş jaýlarynyň gurluşyklaryny ýerine ýetirmek üçin potratçylary saýlap almak boýunça bäsleşik yglan edýär

Bäsleşige gatnaşmak üçin Türkmenistanda resmi tertipde bellige alnan ýerli edara-kärhanalar we hususy kärhanalar çagyrylýar.

Bäsleşige gatnaşmaga isleg bildirýänlerden edilýän talaplar:

• gatnaşyjynyň doly adyny, hukuk derejesini, Türkmenistanda resmi tertipde bellige alnandygy barada maglumatlary görkezmek bilen, bäsleşige gatnaşmak barada ýazmaça arza bermeli;
• soňky 3 ýylyň içinde Türkmenistanda ýerine ýetiren gurluşyk taslamalary barada maglumat;
• edara-kärhananyň maddy we tehniki binýady barada maglumat;
• hususy kärhanalara Türkmenistanyň Senagatçylar we telekeçiler birleşmesinden kepilnama.

Bäsleşik teklipleri 2024-nji ýylyň 10-njy fewralyna, sagat 18:00-a çenli kabul edilýär.

Habarlaşmak üçin telefon belgileri:

+993 (522) 6-06-21

+993 (522) 6-06-05

Faks:

+993 (522) 6-33-73