Ahal welaýatynyň Ak bugdaý etrabynda kuwwatlylygy sekuntda 2,13 kub metr bolan “Ýaşyl depe” suw göteriji bekedi, Kaka etrabynda bolsa kuwwatlylygy sekuntda 4,15 kub metr bolan 1-nji we 2-nji “Gowşut” suw göteriji bekedi gurlar.
Bu maksat bilen Türkmenistanyň Gurluşyk we binagärlik ministrligi Oba hojalyk ministrliginiň buýurmagynda ýokarda agzalan suw göteriji beketlerini, olaryň suw sorujy we basyşly suwgeçirijilerini gurmak, gerek bolan suw göterijileri we elektrik hereketlendirijileri gurnamak hem-de elektrik bekediniň durkuny täzelemek boýunça halkara bäsleşigi gaýtadan yglan etdi. Bu bäsleşik şenbe güni “Türkmenistan” gazetinde çap edildi.
Bäsleşige gatnaşmak üçin isleg bildirýänleriň haýyşnamalary we teklipleri Türkmenistanyň Gurluşyk we binagärlik ministrliginiň Bazary öwreniş we daşary ykdysady gatnaşyklar müdirliginde bellenilen tertipde kabul edilýär hem-de resmileşdirilýär.
Şeýle hem haýyşnamalar ministrligiň Bazary öwreniş we daşary ykdysady gatnaşyklar müdirliginde 2023-nji ýylyň 7-nji sentýabryna çenli kabul edilýär.
